کراچی(آن لائن)عالمی صرافہ مارکیٹ میں فی اونس سونے کی قیمت میں اضافے کے بعد ملکی صرافہ مارکیٹوں میں بھی سونے کی قیمت میں اضافے کا رحجان دیکھا گیا جس سے 10گرام سونے کی قیمت40 ہزار روپے سے تجاوز کرگئی عالمی صراہ مارکیٹ میں 10ڈالر اضافے سے فی اونس سونا1155 ڈالر سے تجاوز کرگیاجس کے بعد مقامی صرافہ مارکیٹوںمیں بھی سونا مہنگا ہوگیا۔ آل پاکستان سپریم کونسل جیولرز ایسوسی ایشن کی رپورٹ کے مطابق ملکی صرافہ مارکیٹوں میں فی تولہ سونے کی قیمت میں 400روپے کا اضافہ ریکارڈ کیا گیاجس سے کراچی، لاہور، ملتان، راولپنڈی اور اسلام آباد کی صرافہ مارکیٹوں میں فی تولہ سونے کی قیمت 46ہزار 700 روپے ہوگئی۔