لاہو(نیوزڈیسک) سوئی ناردرن گیس پائپ لائنز لمیٹڈ نے موسم سرما کے لئے گیس لوڈ منیجمنٹ پلان ترتیب دے دیا ہے جس کے تحت سردیوں میں صرف گھریلو صارفین کو گیس کی فراہم کی جائے گی۔ سوئی ناردرن گیس پائپ لائنز لمیٹڈ نے موسم سرما کے دوران پنجاب میں گیس لوڈمینجمنٹ کا شیڈول وزارت پٹرولیم کوبھجوا دیا ہے. جس کے تحت سردیوں میں سی این جی سیکٹر اور صنعتوں کو گیس کی فراہمی بند کردی جائے گی۔ترجمان سوئی ناردرن گیس کمپنی کے ترجمان کا کہنا ہے کہ ادارے کی اولین ترجیح گھریلو صارفین کو بلا تعطل گیس کی فراہمی کو یقینی بنان ہے، موسم سرما میں گیس کی کھپت میں اضافہ ہوجاتا ہے جس کی وجہ سے گھریلو صارفین اور صنعتوں کو بیک وقت گیس کی فراہمی ممکن نہیں اس لئے ادارے نے فیصلہ کیا ہے کہ صنعتوں اور سی این جی سیکٹر کو گیس کی فراہمی روک دی جائے گی تاکہ گھریلو صارفین کو پریشانی کا سامنا نہ کرنا پڑے۔