دبئی (نیوزڈیسک) دبئی کے نجی بینک نے سرپرائز کیش گفٹ سے اے ٹی ایم صارفین کو حیران کر دیا۔
دبئی بینک کے صارفین نے جب اے ٹی ایم کے ذریعے رقم نکالی تو سرپرائز کیش گفٹ نے ان کی خوشیوں کو دوبالا کر دیا ۔دبئی کے این بی ڈی بینک کے مطابق صارفین کی عیدلاضحیٰ کی خوشیوں کو دوبالا کیا گیا ہے ، بینک کی جانب سے ایک عرب گلوکار کے ذریعے خصوصی میوزک ٹون متعارف کرائی گئی تھی۔جب کوئی صارف اے ٹی ایم پر رقم نکلوانے کے لیے آتا تو پہلے میوزک بجتا اس کے بعد کیش سرپرائز سے صارفین کی خوشیوں کی کوئی انتہا نہ رہی ، کیش انعام کے لیے عرب گلوکار فیاض السعید نے میوزک ترتیب دیا تھا۔