کراچی(نیوز ڈیسک)کراچی اسٹاک ایکس چینج میںکاروباری ہفتے کے پہلے روز حصص کی سرگرمیاں ماند پڑنے سے مندی کے بادل چھائے رہے، کاروباری اتار چڑھاو¿ کے بعد کے ایس ای 100 انڈیکس بیک وقت 3 بالائی حدیں گنوا بیٹھا اور مارکیٹ سرمائے میں70 ارب 76 کروڑ98 لاکھ روپے کی کمی ہوئی، پیر کو کاروبار کا آغاز تیزی کے ساتھ ہوا۔
سرمایہ کاروں کی جانب سے پٹرولیم، سیمنٹ، توانائی اور بینکنگ سیکٹر میں سرمایہ کاری کی گئی جس کی بدولت ٹریڈنگ کے دوران کے ایس ای 100 انڈیکس 33849.40 پوائنٹس پر جا پہنچا تاہم بروکریج ہاو¿سز اور مقامی انسٹی ٹیوشن کی فروخت پر دباو¿ کے سبب تیزی کا رجحان مندی میں تبدیل ہوگیا۔
کاروبار کے اختتام پر کے ایس ای 100 انڈیکس میں 287.99 پوائنٹس کی کمی سے 33384.73 پوائنٹس پر بند ہوا، کے ایس ای 30 انڈیکس 152.94 پوائنٹس کی کمی سے 20337.94 اور کے ایس ای آل شیئرز انڈیکس 221 پوائنٹس گھٹ کر 23340.40 پوائنٹس پر آگیا، کاروباری حجم 11.93 فیصد کم رہا، 13 کروڑ 36 لاکھ حصص کے سودے ہوئے، 353 کمپنیوں کا کاروبار ہوا،75 کمپنیوں کے بھاو¿ میں اضافہ، 266کے نرخ میں کمی اور12 کمپنیوں کے دام مستحکم رہے۔