کراچی(نیوزڈیسک) ہڑتال کے باعث صرف کراچی میں چار ارب روپے کی کاروباری سرگرمیاں متاثر ہوئیں۔ تاجروں نے تمام اہم مارکیٹوں میں شٹر ڈاؤن کیا۔ سکھر، حیدر آباد اور میر پور خاص میں بھی ہڑتال کی گئی۔ لاہور کی اکثر مارکیٹیں بھی بند رہیں۔ فیصل آباد، گوجرانوالہ، ملتان بہاولپور اور دیگر شہروں میں بھی شٹر ڈاؤن رہا۔ کوئٹہ کے تمام کاروباری مراکز بھی بند رہے۔ پشین، لورا لائی، قلعہ سیف اللہ، ژوب، چمن اور مستونگ میں بھی ہڑتال کی گئی۔ پشاور کے قصہ خوانی بازار، خیبر بازار، چوک یادگار اور اشرف روڈ پر بھی ہڑتال رہی۔