لاہور(آن لائن) منی چینجرز کی طرف سے مبینہ طور پر کالعدم تنظیموں کی مالی معاونت کرنے کے انکشاف کے بعد نیشنل ایکشن پلان کے تحت صوبہ بھر میں قائم منی ایکسچینج اورڈیلرز کی نگرانی کی ہدایت جاری کی گئی ہیں۔ذرائع کے مطابق گجرات، گوجرانوالہ، فیصل آباد اور ملتان کے اضلاع کواس حوالے سے حساس قرار دیا گیا ہے اور وہاں پر ایکشن شروع کر دیا گیا۔ایف آئی اے اور دیگر قانون نافذ کرنیوالے اداروں نے انکشاف کیا ہے کہ ملک بھر میں قائم منی ایکسچینج ڈیلرزدہشتگردوں اور کالعدم تنظیموں کی معاونت میں ملوث ہوسکتے ہیں جس کے بعد ملک بھر میں قائم ان ایکسچینج کے ڈیلروں پر کڑی نظر رکھنے کی ہدایت کی گئی ہے تاہم جرم ثابت ہونے پر نیشنل ایکشن پلان کے تحت انہیں گرفتار کیا جائیگا اس ضمن میں ایف آئی اے نے تمام منی ایکسچینج ڈیلروں کو آگاہ کردیا ہے۔