اسلام آباد(نیوز ڈیسک)آج سے پیٹرولیم مصنوعات کی قیمتوں میں کمی کردی گئی، پیٹرول کی قیمت ایک روپے 3پیسے کمی ہونے کے بعد نئی قیمت 76روپے 49پیسے اور ڈیزل کی قیمت 2روپے 6پیسے کم ہونے کے بعد نئی قیمت 84روپے52 پیسے فی لیٹر ہوگئی ہے،پیٹرولیم مصنوعات میں کمی کا اعلان وفاقی وزیرخزانہ اسحاق ڈار نے اسلام آباد میں نیوز کانفرنس میں کیا۔ ہائی اسپیڈ ڈیزل 2روپے 80پیسے ،لائٹ ڈیزل 4روپے 92پیسے ، مٹی کا تیل 4روپے 83پیسے جبکہ ایچ او بی سی ایک روپے سستا کیا گیا ہے۔ لائٹ ڈیزل کی نئی قیمت 56 روپے 59 پیسے، ایچ او بی سی کی نئی قیمت 82 روپے 81 پیسے اور مٹی کے تیل کی نئی قیمت 60 روپے 11 پیسے فی لیٹر ہوگئی ہے۔