اسلام آباد(نیوزڈیسک)حکومت کی جانب سے پٹرولیم مصنوعات میں کمی کا اعلان کیا گیا ہے۔ اسلام آباد میں وزیرخزانہ اسحاق ڈار نے پریس کانفرنس کرتے ہوئے کہا کہ وزیراعظم کی منظوری سے پٹرولیم مصنوعات میں کمی کی جارہی ہے۔ اسحاق ڈار نے بتایا کہ پٹرول کی قیمت میں ایک روپے 3پیسےفی لٹرکمی کے بعد نئی قیمت76روپے 49پیسے، ڈیزل کی قیمت میں 2روپے6پیسےفی لٹرکمی کے بعد نئی قیمت84روپے 52پیسےمقرر کی گئی ہے جبکہ ہائی اسپیڈڈیزل کی فی لیٹرقیمت میں 2روپے 80پیسے، ایچ اوبی سی کی قیمت میں ایک روپے 2پیسے، مٹی کےتیل کی قیمت میں 4روپے83پیسے فی لیٹرکمی کی گئی ہے۔ اسحاق ڈار کے مطابق نئی قیمتوں کا اطلاق آج رات 12 بجے سے ہوگا۔