اسلام آباد(نیوز ڈیسک) توانائی بحران پر قابو پانے کیلئے آئندہ ماہ روس کے ساتھ ایل این جی درآمد کا معاہدہ طے پانے کا امکان ہے قطر سے پندرہ سال کیلئے ایل این جی کے درآمدی معاہدے کو آئندہ ماہ حتمی شکل دی جائے گی ۔ سرکاری ذرائع کے مطابق ملک کو اس وقت یومیہ دوہزار ملین کیوبک فیٹ گیس کی قلت کا سامنا ہے اس ضمن میں قطر سے آئندہ پندرہ سال کیلئے ایل این جی درآمد کرنے کا فیصلہ کیاگیا ہے پاکستان نے ایل این جی معاہدے کے حوالے سے مطلوبہ انفراسٹرکچر ڈیویلپمنٹ مکمل کرلیا ہے ۔ منصوبے کو حتمی شکل دینے کیلئے آئندہ ماہ معاہدے پر دستحط کیے جائینگے ، واضح رہے کہ کراچی پورٹ قاسم کے ذریعے پاکستان قطر سے اب تک ایل این جی کے ساتھ کارگو درآمد کرچکا ہے ۔ ذرائع کے مطابق توانائی بحران پر قابو پانے کیلئے آئند ہ ماہ روس کیساتھ بھی ایل این جی درآمد کا معاہدہ طے پانے کا امکان ہے