اسلام آباد(نیوز ڈیسک) قطرایئرویز نے پاکستان کے مزید دوشہروں سیالکوٹ اورفیصل آبادکیلئے فضائی سروس شروع کردی ہے۔کمپنی کے اجاری اعلامیہ کے مطابق قطر ایئرویز ہفتہ میں سیالکوٹ کیلئے 4 جبکہ فیصل آباد کیلئے ہفتہ میں تین پروازیں چلائے گی۔اس سے پہلے قطر ایئر ویز کراچی، لاہور، اسلام اباد اور پشاور کیلئے فضائی سروس فراہم کررہی ہے۔دو مزید شہروں کی شمولیت سے کمپنی کی فضائی سروس کا دائرکار ملک کے 6 شہروں تک پھیل چکا ہے جبکہ 2اگست سے قطر ایئرویز ملتان کیلئے بھی اپنی سروس شروع کردے گی۔