اسلام آباد(نیوز ڈیسک) گزشتہ مالی سال 2014-15ءکے دوران ہدف سے زائد 15 ارب 90 کروڑ روپے کے زرعی قرضے جاری کئے گئے جو اس سے گزشتہ برس کے مقابلے میں 31.81 فیصد زائد ہیں ۔ سٹیٹ بینک آف پاکستان کے جاری اعداد وشمار کے مطابق 2014-15ءکےلئے زرعی قرضوں کے اجراءکیلئے 500 ارب روپے کا ہدف مقرر کیا گیا تھا جبکہ دوران سال مختلف بینکوں کی جانب سے 515.90 ارب روپے کے زرعی قرضہ جات جاری کئے جو ہدف سے 15ارب 90 کروڑ روپے زائد رہے جبکہ 2013-14ءکے دوران بینکوں کی جانب سے 391.40 ارب روپے کے زرعی قرضے جاری کئے گئے تھے اس طرح گزشتہ سال کے دوران اس سے پچھلے سال کے مقابلے میں تقریباً 32فیصد زائد زرعی قرضے جاری کئے گئے۔