کراچی(نیوزڈیسک) طویل عرصے سے واجب الادا 71 ہزار دینار ادا نہ کرنے پر بحرین نے پی آئی اے کو 30 یوم میں ادائیگی کا نوٹس جاری کردیا ہے ۔ عدم ادائیگی پر کاروائی کی دھمکی دی ہے۔ایئرلائن ذرائع کے مطابق بحرین کے وزارت مواصلات و ٹرانسپورٹ کیجانب سے پی آئی اے کو بحرین کی فضائی حدود کے استعمال کے واجبات اورعدم ادائیگی پر جرمانے کا نوٹس جاری کیا گیا ہے ۔ذرائع کے مطابق پی آئی اے پر کچھ واجبات 2010 سے واجب الادا ہیں۔ 30 یوم میں واجبات ادا نہ کرنے پر بحرین کی وزارت مواصلات و ٹرانسپورٹ نے پی آئی اے پرپابندی کا انتباہ دیا ہے