لاہور(نیوزڈیسک)محکمہ خزانہ پنجاب نے صوبے بھر میں سرکاری ملازمین کی تنخواہوں اورریٹائرڈ ملازمین کی پنشن میں ساڑھے 7فیصد اضافے کا نوٹیفکیشن جاری کر دیا ۔گزشتہ روز جاری کردہ نوٹیفکیشن کے مطابق 2011ءمیں ملنے والا 15فیصد ایڈہاک ریلیف ملازمین کی بنیادی تنخواہ میں ضم کر دیا گیا ہے جبکہ 2012ءمیں ملنے والے ایڈہاک ریلیف کو بھی ان کی بنیادی تنخواہ میں ہی ضم کر دیا گیا ہے ۔یا د رہے کہ پنجاب حکومت نے وفاقی حکومت کی تقلیدکرتے ہوئے سرکاری ملازمین کی تنخواہوں اور ریٹائرڈ ملازمین کی پنشن میں ساڑھے 7فیصد اضافے کے اعلان کیا تھا۔