اسلام آباد(نیوزڈیسک)مہنگائی کی دہائی دیتی عوام کے لئے خوشخبری ، عالمی مارکیٹ میں قیمتیں کم ہونے کے باعث یکم اگست سے پٹرولیم مصنوعات کی قیمتوں میں پانچ روپے ساٹھ پیسے فی لیٹر تک کمی کا امکان ہے۔ قیمتوں میں کمی کی سمری رواں ماہ کے آخر میں حکومت کو ارسال کی جائے گی ۔ ایران پر عائد پابندیاں ختم ہونے اور عالمی مارکیٹ میں پٹرولیم مصنوعات کی قیمتوں میں کمی کے بعد پاکستان میں بھی پٹرولیم مصنوعات کی قیمتیں کم ہونے کا امکان ہے۔
ذرائع کے مطابق پٹرول کی قیمت میں 3 روپے 44 پیسے فی لیٹر کمی کئے جانے کا امکان ہے جبکہ ہائی سپیڈ ڈیزل کی قیمت میں 2 روپے 78 پیسے ، مٹی کے تیل کی قیمت میں 2 روپے 10 پیسے فی لیٹر کمی متوقع ہے۔
ہائی آکٹین کی قیمت میں 5 روپے 60 پیسے فی لیٹر اور لائٹ ڈیزل کی قیمت میں 2 روپے 16 پیسے فی لیٹر کمی کا امکان ہے ۔ اوگرا کی جانب سے قیمتوں میں کمی کی سمری رواں ماہ کے آخر میں حکومت کو ارسال کی جائے گی ، قیمتوں میں کمی کا اطلاق یکم اگست سے ہوگا۔
–