کراچی (نیوزڈیسک) پاکستان اور متحدہ عرب امارات کے مابین میں دو طرفہ معاہدہ طے پا گیاہے، معاہدے کے تحت اِیئر ٹریفک کے حقوق اب شہروں کی خصوصیت کی بنا پر ہونگے جبکہ اس سے قبل اِئرلائن کی بنا پر ہوتے تھے۔ اِئرسروسز کے معاہدے میں کچھ دیگر ضروری لینڈ مارک تبدیلیاں لائی گئی ہیں جن کے تحت بلوچستان کے چار ائر پورٹس کوِئٹہ، پنج گر، تربت اور گوادر کیلِئے یو اے ای کی پانچ ائر لائنز کی سروسز شروع کی جائیں گی، جس کے باعث دنیا بھر کے ممالک کے لِئے ڈاِئریکٹ فلاِئٹ حاصل ہو نگی، یو اے ای کی
ائر لائن اس سے قبل ملتان، فیصل آباد سے روزانہ کی بنیادوں پر پروازیں آپریٹ کررہی ہے،ائرلائینوں کی آپس میں مقابلے بازی سے مسافروں کو کم قیمت میں بہترین ہوائی سفر کی سہو لیات میسر ہوسکیں گی، اس قسم کے اقدامات سے پاکستان کی برآمدات کو فروز حاصل ہوگا اور کطے کا سامان دوسرے مملک میں باآسانی دستیاب ہو گا، تاہم اس ضمن میں یو اے ای کی ائرلائن کے ٹریفک رائٹس لاہور، اسلام آباد اور پشاور کے لئے وقتی طور پر محدود ہونگے کیونکہ ان ائرپورٹس پر تا حال انفرا اسٹرکچر کو مذید بہتر بنانے کی ضرورت ہے، تاہم کراچی اور دبِئی کے درمیان 1998میں طے پانے والا اوپن اسکائی کا معاہدہ تاحال برقرار ہے،دوسری جانب پاکستانی ائر لاِئنزکو پاکستان کے تمام ائرپورٹس سے یو اے ای کے تمام ائرورٹس تک لا محدود ٹریفک رائٹس میسر ہونگے اور پاکستانی ائرلائنز کو یو اے ای کے تمام ائرپورٹس سے دنیا کے تمام ممالک میں جانے کا حق حاصل ہو گا۔