کراچی(نیوزڈیسک) ٹیکس اصلاحات کمیشن نے تمام وفاقی، صوبائی اورمقامی ٹیکس اکٹھا کرنے کیلئے نیشنل ٹیکس ایجنسی قائم اورتمام ٹیکس قوانین، نوٹیفکیشنز، رولزاورسرکلرزاردومیں شائع،خفیہ ومشکوک اقتصادی سرگرمیوں کوجرمانے بڑھانے، بیرون ملک اثاثہ جات، بینک اکانٹس ظاہرنہ کرنے والے پاکستانیوں کے ملک میں موجوداثاثے ضبط کرنیکی تجاویزدے دیں۔میڈیا کودستیاب دستاویزکے مطابق وزارت خزانہ کی جانب سے قائم کردہ ٹیکس اصلاحات کمیشن نے اپنی رپورٹ میں تجویزدی ہے کہ تمام ذرائع سے حاصل ہونے والی آمدنی پر ٹیکس عائد کیاجائے، پراپرٹی انویسٹمنٹ اور افواہ سازی سے متعلق موثرقوانین متعارف کرائے جائیں۔ٹیکس اصلاحات کمیشن یہ بھی تجویزہے کہ بیرون ملک اثاثوں اوربینک اکانٹس رکھنے والے پاکستانیوں کے لیے اثاثوں اور بینک اکانٹس کی پاکستان میں ڈکلیئریشن کولازمی قراردیا جائے، جوپاکستانی ایسا نہ کریں تو ان کے بیرون ملک موجود اثاثہ جات اور بینک اکانٹس کی رقم کے برابر پاکستان میں موجود اثاثہ جات اوربینک اکانٹس منجمد و ضبط کرلیے جائیں۔