کراچی(نیوز ڈیسک) قومی سطح پر پیداوار میں کمی کے باعث رواں مالی سال کے پہلے 7 ماہ کے دوران دالوں کی درآمدات میں 35 فیصد اضافہ دیکھا گیا۔ پاکستان ادارہ شماریات کے مطابق ملک میں دالوں کی پیدوار میں کمی کے سبب رواں مالی سال جولائی تا جنوری 2015 کے دوران 22 کروڑ 24 لاکھ ڈالر مالیت کی 3 لاکھ 70 ہزار ٹن دالیں درآمد کیں۔ ہول سیل گروسرز ایسوسی ایشن کے چیرمین انیس مجید کا کہنا ہے کہ بارنی علاقوں میں بارشیں اور موسم ساز گار نہ ہونے کے باعث دالوں کی مقامی پیدوار کم ہونے سے درآمدات پر انحصار بڑھا ہے۔ ملک میں دالوں کی سالانہ کھپت 10 لاکھ ٹن ہے جبکہ روان سال مقامی سطح پر دالوں کی پیداوار 7 اعشاریہ 7 لاکھ ٹن سے کم ہو کر 4 اعشاریہ 4 لاکھ ٹن تک محدود رہی۔