سعودی عرب کا رواں سال تیل کی پیداوار میں اضافہ نہ کرنے کا فیصلہ
لندن(آئی این پی) سعودی عرب نے رواں سال تیل کی پیداوار میں اضافہ نہ کرنے کا فیصلہ کیا ہے ، سعودی وزیرخارجہ شہزادہ فیصل بن فرحان نے کہا ہے کہ اوپیک پلس کے پیداواری اہداف اتفاق رائے سے طے کئے جاتے ہیں،سعودی عرب کی موجودہ پیداواری پالیسی درست ہے اوروہ اس سال پیداوار میں اضافہ نہیں کرے گا، لندن میں صحافیوں سے گفتگو کرتے ہوئیسعودی وزیرخارجہ نیکہا کہ ہم ہمیشہ کہتے ہیں کہ ہم ایک مستحکم مارکیٹ کے لیے پرعزم ہیں اوروزیرتوانائی کا خیال ہے کہ مارکیٹ کوسال کے آخرتک پیداوارمیں کسی تبدیلی کی ضرورت نہیں ہے،انھوں نے کہا کہ تیل برآمد کرنے والے ممالک کی تنظیم اور روس کی قیادت میں غیراوپیک ممالک پرمشتمل گروپ میں فیصلے تمام شراکت داروں کے درمیان باہمی گفت و شنید کے ذریعے کیے جاتے ہیں،انھوں نے اوپیک کے ارکان اورروس سمیت دیگرممالک کا حوالہ دیتے ہوئے کہاکہ اوپیک پلس کے تمام شراکت داروں کی جانب سے ریکارڈ پردیاجانے والا ہربیان اس اتفاق رائے کی عکاسی کرتا ہے۔
