لاہور( این این آئی)سربراہ پاکستان ڈیموکریٹک مومنٹ مولانافضل الرحمان پیپلزپارٹی کو ضمنی الیکشن نہ لڑنے پر راضی نہ کرسکے۔پیپلزپارٹی کے پارلیمانی بورڈ نے 16مارچ کے ضمنی الیکشن کیلئے امیدوار فائنل کرکے پارٹی ٹکٹ کیلئے33قومی حلقوں کے امیدواروں کی فہرست چیئرمین کو ارسال کر دی ۔ امیدواروں کو 23 فروری سے قبل ٹکٹ جاری کردیئے جائیں گے۔پیپلز پارٹی کے سیکرٹری جنرل نیئربخاری نے نجی ٹی وی سے گفتگو کرتے ہوئے کہا کہ پیپلزپارٹی کاموقف واضح ہے انتخابی میدان سے باہر نہیں رہنا چاہیے، پیپلزپارٹی ضمنی الیکشن نہ لڑنے کے پی ڈی ایم کے فیصلے سے متفق نہیں۔دوسری جانب پاکستان پیپلزپارٹی کی قیادت سے پی ڈی ایم رہنمائوں کے وفد کی ملاقات ہوئی ہے اور انہوں نے ضمنی انتخابات میں حصہ نہ لینے کی تجویز دے دی۔ پی ڈی ایم کی تجویز پر بلاول بھٹو زرداری نے پارلیمانی بورڈ کا اجلاس بلاکر پارٹی رہنماں کی رائے طلب کرلی۔