دبئی (آئی این پی) معروف امریکی گلوکارہ 41 سالہ بیونسے نے تقریبا 4 سال بعد دنیا میں کسی تقریب میں پرفارمنس کرکے محض ایک گھنٹے میں پاکستانی 5 ارب روپے سے زائد کی کمائی کرلی۔بیونسے عام طور پر دنیا کے کسی بھی ملک میں پرفارمنس کے ڈھائی سے پانچ لاکھ ڈالر تک وصول کرتی رہی ہیں، تاہم اس بار انہیں 8 سے 10 گنا زیادہ رقم دیے جانے کا انکشاف ہوا ہے۔امریکی میڈیا کے مطابق بیونسے نے متحدہ عرب امارات کی ریاست دبئی کے پرتعیش علاقے الجمیرہ میں کھولے گئے نئے دنیا کے مہنگے ترین ہوٹلوں میں شمار ہونے والے ہوٹل میں پرفارمنس کی۔رپورٹ میں بتایا گیا کہ بیونسے نے ہوٹل کی افتتاحی تقریب کے پہلے گھنٹے میں اپنے معروف گانوں پر پرفارمنس کی اور انہیں محض ایک گھنٹے کے دو کروڑ 40 لاکھ ڈالر ادا کیے جو کہ پاکستانی 5 ارب 80 کروڑ روپے تک بنتے ہیں۔