لاہور ( این این آئی) پاکستان میں پنجاب اسمبلی ٹوئٹر پر ٹاپ ٹرینڈ بنا رہا جبکہ اسمبلی کے اندر کی 2تصاویر بھی انٹرنیٹ پر وائرل ہوئیں ۔پنجاب اسمبلی کے اندر سے پی ٹی آئی اور (ن) لیگ کے رہنمائوں کی بیٹھک کی تصاویر سوشل میڈیا پر وائرل ہورہی ہیں جن پر صارفین کے ملے جلے تبصرے بھی جار ی ہیں۔بدھ کی رات وزیر اعلی پنجاب پرویز الٰہی کے اعتماد کے ووٹ کی کارروائی کو دیکھنے کے لئے تحریک انصاف اور (ن) لیگ کے کئی رہنماپنجاب اسمبلی میں موجود تھے۔اس کے علاوہ سوشل میڈیا پر بدھ ی رات پنجاب اسمبلی کے اجلاس کے حوالے سے اب بھی بحث جاری ہے۔واضح رہے کہ وزیراعلی پنجاب پرویزالٰہی اعتماد کا ووٹ حاصل کرنے میں کامیاب ہوگئے تھے ، 186ارکان نے ان پر اعتماد کا اظہار کیا۔

موضوعات:پنجاب اسمبلی