کراچی(این این آئی)نیوزی لینڈ کے فاسٹ بولر مچل میکلینگن کی جانب سے کراچی اسٹیڈیم کی پچ پر طنز کرنا نیوزی لینڈ کرکٹ ٹیم کیلئے مہنگا ثابت ہوا۔گزشتہ روز مچل میکلینگن نے اپنے طنزیہ ٹوئٹ میں لکھا تھا کہ کیا زبردست سڑک ہے، ایسی پچ بیٹرز کا خواب ہوتی ہے۔اب آئس لینڈ کرکٹ بورڈ کے ٹوئٹر اکائونٹ سے لکھا گیا ہے کہ کراچی اسٹیڈیم کی پچ کو سڑک قرار دینے کے باوجود نیوزی لینڈ کے 6 پنکچر ہوگئے۔آئس لینڈ کرکٹ بورڈ کے ٹوئٹر اکاونٹ پر لکھا گیا کہ کراچی ٹیسٹ میچ کا پہلا دن نیوزی لینڈ کے لیے اچھا نہیں، پاکستان بہت خوش ہو گا۔واضح رہے کہ کراچی ٹیسٹ کے پہلے دن نیوزی لینڈ نے پہلی اننگز میں 6 وکٹ کے نقصان پر 309 رنز بنائے تھے۔