اسلام آباد(این این آئی)متنازع ٹوئٹ کیس میں گرفتار سینیٹر اعظم سواتی کو رہا کردیا گیا۔پی ٹی آئی کے رہنما و سینیٹر اعظم سواتی کو سب جیل قرار دیے گئے سی آئی اے سینٹر میں رکھا گیا تھا۔واضح رہے کہ گزشتہ روز اسلام آباد ہائیکورٹ نے متنازع ٹوئٹ کیس میں پی ٹی آئی رہنما و سینیٹر اعظم سواتی کی درخواستِ ضمانت منظور کی تھی۔عدالتِ عالیہ نے سینیٹر اعظم سواتی کو 2لاکھ روپے کے ضمانتی مچلکے داخل کرانے کا حکم بھی دیا تھا۔یاد رہے کہ سندھ اور بلوچستان کی ہائی کورٹس نے اعظم سواتی کے خلاف مقدمے پہلے ہی ختم کر دئیے تھے۔