اسلام آباد (این این آئی)پاکستان مسلم لیگ (ن)کی ترجمان و وزیر اطلاعات مریم اورنگزیب نے کہاہے کہ مسلم لیگ (ن) کے صدر ووزیراعظم محمد شہباز شریف نے پارٹی کے بڑے تنظیمی فیصلے کا اعلان کر دیا ہے۔ ایک بیان میںپاکستان مسلم لیگ (ن)کی ترجمان و وزیر اطلاعات مریم اورنگزیب نے کہاہے کہ مسلم لیگ (ن) کے صدر ووزیراعظم محمد شہباز شریف نے پارٹی کے بڑے تنظیمی فیصلے کا اعلان کرتے ہوئے مریم نواز شریف کو پاکستان مسلم لیگ(ن)کی سینئر نائب صدر مقرر کر دیا ہے ۔ترجمان مسلم لیگ (ن )مریم اورنگزیب نے پارٹی صدر کے فیصلے کا نوٹیفکیشن بھی جاری کر دیا ۔نوٹیفیکیشن پاکستان مسلم لیگ (ن)کے صدر شہباز شریف کے دستخطوں سے جاری ہوا ۔مریم نواز شریف کو پارٹی کا’چیف آرگنائزربھی مقرر کیا گیاہے ،پارٹی کی تنظیم نو کی ذمہ داری مریم نواز شریف کو سونپ دی گئی ہے اوروہ تمام سطحوں پر پارٹی کوری۔آرگنائزکریں گی۔