اسلام آباد ( آن لائن ) پاکستان ڈیموکریٹک مومنٹ کے سربراہ مولانا فضل الرحمان کی طبیعت ناساز ہو گئی ہے جس کے باعث انہوں نے سیاسی سرگرمیاں منسوخ کر دی ہیں۔جے یو آئی کی جانب سے مولانا فضل الرحمان کی سیاسی سرگرمیوں کی منسوخی سے متعلق خط لکھ کر عہدیداروں کو باضابطہ آگاہ کردیا گیا۔جے یو آئی کے رہنما عبدالغفور حیدری نے عہدیداروں کے نام خط میں کہا ہے کہ ڈاکٹرز کے مشورے پر فضل الرحمان نے تمام سیاسی سرگرمیاں منسوخ کر دی ہیں۔انہوں نے بتایا کہ مولانا فضل الرحمان کی طبیعت کافی عرصے سے ناساز رہی ہے، مولانا فضل الرحمان طبیعت بہتر ہونے تک آرام کریں گے۔کارکنوں اور ہمدردوں کو ٹیلیفون کرکہ یا گھر پر آکر طبیعت پرسی کی بھی اجازت نہیں ہوگی۔