کینبرا ( این این آئی) آسٹریلیا میں جاری بِگ بیش لیگ کے میچ کے دوران متنازع کیچ ٹوئٹر پر ٹرینڈ کرنے لگا ۔بگ بیش لیگ کے اس کیچ کو لے کر سوشل میڈیا پر بحث اب تک جاری ہے کہ وہ آوٹ تھا یہ چھکا تھا۔برسبن ہیٹ اور سڈنی سیکسر کے درمیان کھیلے گئے میچ میں یہ کیچ اس وقت پکڑا گیا جب سڈنی کو جیت کے لیے 11 گیندوں پر 26 رنز درکار تھے۔برسبن ہیٹ کے فیلڈر مائیکل نیسر نے باونڈری لائن پر سڈنی سیکسر کے جارڈن سلک کا شاندار کیچ پکڑا تھا۔ٹی وی امپائر نے اس شاندار کیچ کو آوٹ قرار دیا تھا جس کے بعد سے سوشل میڈیا پر یہ بحث جاری ہے کہ یہ آئوٹ نہیں بلکہ چھکا تھا۔ ٹوئٹر پر یہ کیچ ناٹ آئوٹ سے ٹرینڈ کر رہا ہے، جس پر اب تک 2 لاکھ 57 ہزار صارفین ٹوئٹ کر چکے ہیں۔