اسلام آباد ( آن لائن)ایوان صدر نے جنرل (ر) قمر جاوید باجوہ کی 2018 کے عام انتخابات اور سینیٹ کے الیکشن میں مدد سے متعلق صدر مملکت کے بیان پر وضاحت جاری کر دی ہے ۔صدر مملکت ڈاکٹر عارف علوی کے ٹوئٹر اکاؤنٹ پر جاری بیان میں کہا گیا ہے جس میں ان سے منسوب بیان کو سیاق و سباق سے ہٹ کر بتایا گیا ہے۔بیان میں کہا گیا ہے کہ صدر مملکت ڈاکٹر عارف علوی نے سابق چیف آف اور ان کی ٹیم کی جانب سے سینیٹ اور الیکشن کے دوران پاکستان تحریک انصاف کی مبینہ مدد کے حوالے سے ان سے غلط طور پر منسوب بیان کا نوٹس لیا ہے۔اس حوالے سے مزید کہا گیا ہے کہ مذکورہ بیان سیاق و سباق سے ہٹ کر نقل کیا گیا ہے، یہ خود ساختہ اور من گھڑت ہے۔