فیصل آباد(آن لائن) وفاقی وزیرداخلہ راناثناء اللہ نے کہا ہے کہ توشہ خانے سے گھڑیاں چوری کی گئیں پورا توشہ خانہ ہی چوری کیا،مرشد کے ساتھ مل کر اربوں روپے کے تحفے بیچ دئیے ، پنجاب میں اکثریت حاصل کریں گے۔فیصل آبادمیںو رکر ز کنونشن سے خطاب کرتے ہوئے
وفاقی وزیرداخلہ کا کہنا تھاکہ توشہ خانے سے گھڑیاں چوری کی گئیں پورا توشہ خانہ ہی چوری کیا ، مرشد کے ساتھ مل کر اربوں روپے کے تحفے بیچ دئیے ،تحائف کی وجہ سے دوست ممالک ساتھ تعلق خراب ہوئے۔انہوںنے کہا کہ پراپرٹی ٹائیکون کا پچاس ارب روپیہ پکڑا گیا منی لانڈرنگ میں پیسہ ضبط ہوگیا ، پانچ ارب کی پراپرٹی حاصل کی اور پچاس ارب روپے کا قومی خزانے کو ٹیکہ لگایا ، تمہارے خلاف جو کیس ہیں وہ بنیں گے۔انہوں نے کہا کہ مسلم لیگ ن دو ہزار تئیس کا الیکشن بھرپور طریقے سے لڑے گی ، الیکشن مہم کو میاں نواز شریف لیڈ کریں گے، اکتوبر دو ہزار تئیس میں انتخابات ہوں گے ۔رانا ثناء اللہ نے کہا کہ دھونس کے رویے میں عمران خان ناکام ہوگیا ، پنجاب میں اکثریت حاصل کریں گے، جو اسمبلی ٹوٹی وہاں سے الیکشن لڑ کر کامیاب ہوں گے۔انہوں نے کہاکہ آج ہی سے الیکشن مہم شروع کریں، یوتھیے ملک کو دیوالیہ کرنا چاہتے ہیں، ووٹ کی طاقت سے فتنے کو کچلنا ضروری ہے۔
