کراچی(آن لائن ) سندھ کے کے سیاسی منظر نامے پر جلد بڑی ہلچل متوقع ہے، ایم کیوایم پاکستان، بہادرآباد، پی ایس پی کے ایک ہونے کے امکانات بڑھ گئے ہیں۔میڈیارپورٹ کے مطابق ذرائع نے بتایا ہے کہ معاملات تقریباً طے پا گئے ہیں، سربراہی ڈاکٹر خالد مقبول صدیقی کرینگے، ایم کیوایم پاکستان کے نام سے تینوں دھڑے ایک ہو جائیں گے۔ذرائع نے دعویٰ کیا ہے کہ پی ایس پی، ڈاکٹر فاروق ستار نے آمادگی ظاہر کر دی، تینوں دھڑوں کیممکنہ ملاپ میں گورنر سندھ کامران ٹیسوری کا اہم کردار ہے، امید ہے آئندہ چند روز میں معاملات حتمی طور پر طے پاجائیں گے۔ذرائع کے مطابق بلدیاتی انتخابات میں ایم کیوایم ایک ہی پلیٹ فارم سے انتخابات لڑے گی، 2016 میں بانی متحدہ کی تقریر پر پابندی کے بعد پی ایس پی وجود میں آئی، ممکنہ ملاپ میں فی الحال آفاق احمد کی ایم کیوایم حقیقی نہیں ہو گی۔