لاہور(این این آئی)پاکستان تحریک انصاف سے سینئر رہنما ڈاکٹر شہباز گل سروسز ہسپتال سے ڈاکٹروں کو بغیر بتائے روانہ ہو ئے، رجسٹرار نے ایم ایس کو آگاہ کر دیا۔سینئر رجسٹرار ڈاکٹر نعمان ظفر، سجاد حسین سروسز ہسپتال میں زیر علاج ڈاکٹر شہباز گل کے تعاون نہ کرنے کا گلہ کرتے ہوئے ایم ایس کو خط لکھ دیا، خط میں لکھا کہ ڈاکٹر شہباز گل 23دسمبر کو اپنے وی آئی پی روم سے غیر حاضر تھے۔شہباز گل کسی ڈاکٹر سے اجازت لینے کے بغیر باہر گئے، وہ مزید ہسپتال میں داخل نہیں رہنا چاہ رہے، مراسلہ میں میڈیکل یونٹ ٹو کے رجسٹرار نے لکھا کہ ہسپتال انتظامیہ ان کی غیر موجودگی کو نوٹ کرے۔ دوسری جانب ایم ایس سروسز ہسپتال نے شہباز گل کے ہسپتال سے غائب ہونے کے بارے میں اظہار لاعلمی کر دیا۔