کابل(این این آئی )افغانستان میں طالبان حکومت نے منگل کو خواتین کے یونیورسٹی میں تعلیم حاصل کرنے پر پابندی کا حکم نامہ جاری کیا تھا جس کے بعد افغان دارالحکومت کابل کی ایک لائبریری سے خواتین اور لڑکیوں کے ایک گروپ کو نکال دیا گیا۔
اس واقعہ کی ویڈیو وائرل ہوگئی۔ سوشل میڈیا پر گردش کرنے والی ویڈیو میں خواتین کے ایک گروپ کو تحریک کی درخواست کے بعد کابل میں ایک لائبریری سے نکلتے ہوئے دکھایا گیا ہے۔وزارت کے ترجمان حافظ ضیا اللہ ہاشمی نے بیان میں تصدیق کی کہ وزارت اعلی تعلیم نے ملک کی تمام سرکاری اور نجی یونیورسٹیوں کو ایک خط لکھا ہے جس میں کہا گیا ہے کہ لڑکیوں کے لیے اعلی تعلیم اگلے نوٹس تک ممنوع ہے۔اس سے قبل کابل کے پارکوں یا سوئمنگ پولز اور جموں میں خواتین کے داخلے پر پابندی لگائی جا چکی ہے۔ یونیورسٹیوں میں خواتین کی تعلیم پر پابندی کے اس فیصلے نے ملک کو جھٹکا دیا اور اس کی بین الاقوامی سطح پر شدید مذمت کی جا رہی ہے۔
