لاہور(این این آئی)ترجمان وزیراعلی و پنجاب حکومت مسرت جمشید چیمہ نے کہا ہے کہ کبھی آئینی و قانونی وزیراعلی سے اسمبلی نہ توڑنے کا حلف لیا جاتا ہے،یہ نظام کبھی ہم سے نواز شریف کی زندگی کی گارنٹی مانگتا ہے۔ ٹوئٹر پر جاری اپنے بیان میں مسرت جمشید چیمہ نے کہا کہ کیا گارنٹی دینے کیلئے صرف پاکستان تحریک انصاف ہی ملک کی سیاسی پارٹی ہے،افسوس یہی سسٹم نواز، مریم کو باہر بھجواتا ہے،کھربوں کی کرپشن میں ملوث شہباز شریف، ڈار، سلمان شہباز کو ضمانت قبل از گرفتاری دیتا ہے،انصاف کے دوہرے معیار آخر کب تک؟۔ انہوں نے کہاکہ پرویز الٰہی ہمارے متفقہ وزیراعلی تھے اور ہیں، اتحاد میں دراڑیں ڈالنے والوں کا اپنا اتحاد پارہ پارہ ہو رہا ہے۔