اسلام آباد (مانیٹرنگ ڈیسک)گورنر پنجاب بلیغ الرحمان کی جانب سے ڈی نوٹیفائی کیے جانے پر چوہدری پرویز الٰہی کا ردعمل سامنے آگیا ہے۔گورنر پنجاب بلیغ الرحمان نے وزیر اعلیٰ پنجاب چوہدری پرویز الہٰی کو ڈی نوٹیفائی کیا جس کا نوٹیفیکشن جاری کردیا گیا ہے۔نجی ٹی وی جیو نیوز کے مطابق نوٹیفکیشن میں کہا گیا ہے کہ یقین ہے وزیراعلیٰ کو اراکین اسمبلی کی اکثریت کا اعتماد حاصل نہیں،اس نوٹی فکیشن کےبعد پنجاب کابینہ ختم ہوگئی ہے۔گورنر پنجاب بلیغ الرحمان کی جانب سے ڈی نوٹیفائی کیے جانے پر چوہدری پرویز الٰہی نے ردعمل دیتے ہوئے کہا ہے کہ گورنر کے نوٹیفکیشن کو نہیں مانتا، یہ غیرقانونی ہے۔چوہدری پرویزالٰہی کا کہنا ہے کہ گورنر کے اقدام کے خلاف صبح عدالت جائیں گے،میں وزیراعلیٰ ہوں،کابینہ کام کرتی رہےگی۔واضح رہے کہ گورنر پنجاب کی جانب سے وزیر اعلیٰ پنجاب چوہدری پرویز الٰہی کو ڈی نوٹیفائی کرنے کے بعد پنجاب کابینہ کو بھی تحلیل کر دیا گیا۔