اسلام آباد(آن لائن)او جی ڈی سی ایل کی صوبہ سندھ ضلع سانگھڑ میں تیل و گیس ذخائرکی دریافت میں بڑی کامیابی حاصل کر لی ہے۔ ترجمان او جی ڈی سی ایلکے مطابق رواں ہفتے او جی ڈی سی ایل کی دوسری بڑی دریافت ہوئی ہے۔او جی ڈی سی ایل نے ذاتی وسائل پر انحصار کرتے ہوئے 3 جون 2022کو کوٹ نواب 1- کنویں کی کھدائی کا آغاز کیا تھا۔کنویں کی 3000 میٹرز تک کھودائی کی گئی۔کنویں کا ویل ہیڈ فلوئنگ پریشر150 پاونڈ فی مربع انچ (پی ایس آئی) ہے۔ کنویں سے 125 بیرل خام تیل اور0.483 ملین اسٹینڈرڈ کیوبک فٹ گیس یومیہ حاصل ہو گی۔