کراچی (آن لائن)انٹر بینک میں جمعہ کو روپے کے مقابلے ڈالر مہنگا ہو گیا تاہم اوپن مارکیٹ میں ڈالر کی قدر مستحکم رہی ۔فاریکس ایسوسی ایشن آف پاکستان کی رپورٹ کے مطابق جمعہ کو انٹر بینک میں25پیسے کے اضافے سے ڈالر کی قیمت فروخت225روپے سے بڑھ کر225.25روپے ہو گئی تاہم اوپن مارکیٹ میں ڈالر کی قیمت فروخت 234روپے پر بدستور برقرار رہی۔فاریکس رپورٹ کے مطابق یورو کی قدر میں 1روپے کا اضافہ ریکارڈ کیا گیا جس سے یورو کی قیمت فروخت 256روپے سے بڑھ کر257روپے ہو گئی اسی طرح 4روپے کی کمی سے برطانوی پونڈ کی قیمت فروخت 298روپے سے گھٹ کر294روپے پر آ گئی ۔