لاہور( این این آئی)مسلم لیگ (ن) پنجاب کی سیکرٹری اطلاعات عظمی زاہد بخاری نے بھی اپنا یوٹیوب چینل بنا لیا ۔عظمی بخاری نے اپنے ٹوئٹر اکائونٹ پر یوٹیوب چینل سے متعلق ٹوئٹ کرتے ہوئے لکھا کہ آج میڈیا کے میدان میں ایک نیا قدم لیا ہے اور پراپیگنڈے کے دور میں مقابلہ کرنے کے لیے اپنا یو ٹیوب چینل بنایا ہے تا کہ غلط پراپیگنڈے کا جواب دے سکیں۔عظمی بخاری نے مزید کہا کہ آپ سب کا ساتھ ہمیشہ کی طرح میری طاقت ہوگا۔عظمی بخاری کی جانب سے اپنے یوٹیوب کے نئے چینل پر پہلا وی لاگ بھی شیئر کیا گیا ہے۔