اسلام آباد(آئی این پی) ملک میں اقتصادی سرگرمیاں مزید سست روی کا شکار ہو گئیں،اکتوبر کے مہینے میں سالانہ بنیادوں پر بڑی صنعتوں کی پیداوار 7.75فیصد گر گئی۔
جمعرات کے روز ادارہ شماریات نے بڑی صنعتوں کی پیداوار کے اعدادو شمار جاری کر دیئے، ادارہ شماریات نے اپنے اعدادوشمار میں کہا کہ ملک میں اقتصادی سرگرمیاں مزید سست روی کا شکار ہو گئیں ہیں، اکتوبر میں سالانہ اور ماہانہ بنیا دوں پر بڑی صنعتوں کی پیداوار میں کمی واقع ہوئی ،اکتوبر کے مہینے میں سالانہ بنیادوں پر بڑی صنعتوں کی پیداوار 7.75فیصد گر گئی، اکتوبر کے مہینے میں ماہانہ بنیادوں پر بڑی صنعتوں کی پیداوار 3.62فیصدکمی ہوئی، ادارہ شماریات کے مطابق جولائی تااکتوبر بڑی صنعتوں کی پیداوار 2.89فیصد گر گئی، جولائی تا اکتوبر فوڈ شعبے کی پیداوار 5.75فیصد کم ہوئی، اسی عرصے میں تمباکو سیکٹر کی پیداوار 22.90فیصد گری، ٹیکسٹائل شعبے کی پیداوار8.82فیصد کم ہوئی، فارما سیو ٹیکل شعبے کی پیداوار 26.46فیصد کم ہوئی، جولائی تا اکتوبر مشروبات شعبے کی پیداوار 1.96فیصد گری، جولائی تا اکتوبر کیمیکل مصنوعات کی پیداوار0.96فیصد بڑھی۔
