لورالائی ( آئی این پی) لورالائی کے علاقے کلی درگئی کدیزئی میں مسلح افراد کی فائرنگ پشتونخواملی عوامی پارٹی کے صوبائی رہنما سردار اشرف کاکڑ جاں بحق جبکہ ان کے ڈرائیور زخمی ہو گئے ہیں ۔تفصیلا ت کے مطابق گزشتہ روز لورالائی کے علاقے کلی درگئی کدیزئی میں مسلح افراد کی گاڑی پر فائرنگ سے پشتونخواملی عوامی پارٹی کے صوبائی رہنما سردار اشرف خان کاکڑ اور ان کے ڈرائیوارفضل محمد زخمی ہوگئے۔پولیس کے مطابق سردار اشرف خان کاکڑ اور ان کے ڈرائیور کو زخمی حالت میں سول ہسپتال منتقل کردیا گیا جہاں سردار اشرف خان کاکڑ زخموں کی تاب نہ لاتے ہوئے چل بسے۔سردار اشرف کاکڑ پر گھر کے سامنے فائرنگ کی گئی ہے۔مسلح ملزمان فائرنگ کے بعد فرار ہوگئے۔پولیس حملہ آوروں کی تلاش کررہی ہیں۔