اسلام آباد (این این آئی)سابق وزیراعظم اور پاکستان تحریک انصاف کے چیئر مین عمران خان نے وزیر اعظم آزاد کشمیر سر دار تنویر الیاس کی طرف سے نجی ٹی وی کو دیئے گئے انٹرویو کا نوٹس لیا ہے جس میں کہاگیا تھا کہ ’’چیئرمین پاکستان تحریک انصاف
عمران خان کا سابق آرمی چیف جنرل ریٹائرڈ قمر جاوید باجوہ پر ڈبل گیم کا الزام حقیقت کے مخالف ہے،جنرل ریٹائرڈ قمر جاوید باجوہ پی ٹی آئی اور عمران خان کے محسن ہیں، جنرل باجوہ کی قیادت میں فوج نے پی ٹی آئی کو اقتدار میں لانے اور حکومت چلانے میں ساتھ دیا۔وزیراعظم آزاد کشمیر نے کہا کہ پی ٹی آئی کے لوگوں نے جنرل ریٹائرڈ باجوہ کے خلاف غلط زبان استعمال کی اور ان کے ساتھ زیادتی کی‘‘۔ذرائع کے مطابق سابق وزیر اعظم عمران خان نے پارٹی اجلاس کے دور ان سر دار تنویر الیاس کے انٹرویو کا تذکرہ کیا اور کہاکہ سر دار تنویر الیاس کو ایسی باتیں نہیں کر نی چاہئیں تھیں اور مجھے پتہ ہے انہوںنے ایسی باتیں کیوں کی ہیں؟۔ عمران خان نے سابق وزیر علی امین گنڈا پور و دیگر رہنمائوں کو کہا سر دار تنویر الیاس کو میرا پیغام پہنچائیں وہ اس انٹرویو کی وضاحت کریں ۔
