لاہور ( این این آئی) پاکستان مسلم لیگ (ق) کے سربراہ چودھری شجاعت حسین نے کہا ہے کہ عمران خان سے کہا تھا کہ مارچ کا ایجنڈا معیشت رکھیں گے تو ساتھ چلوں گا،معیشت کا مذاق اڑانے والے سوچیں کہ اس کے ذمے دار سیاسدان ہوں گے لیکن نقصان غریب آدمی کا ہو گا ۔انہوں نے اپنے ایک بیان میں کہا کہ
آصف زرداری سے میرا رابطہ رہتا ہے ان کو بھی ملک کی بہت فکر ہے، ملکی معیشت کو ٹھیک کرنا سب سے ضروری ہے۔چودھری شجاعت نے کہا کہ پاکستان کی معیشت کو اس وقت سنگین چیلنجز کا سامنا ہے، تمام سیاست دانوں کو حالات کو سمجھنا چاہیے اور ایک پیج پر آنا چاہیے۔سربراہ (ق) لیگ نے کہا کہ عمران خان مارچ کرنے جارہے تھے تو کہا تھا ایجنڈا معیشت رکھیں گے تو ساتھ چلوں گا، تمام جماعتوں کو کہوں گا ملکی معیشت کو ٹھیک کرنے کے لئے ایک ہوجائے۔چودھری شجاعت نے مزید کہا کہ تمام سیاستدانوں کو آئین کی بالادستی کے لئے کردار ادا کرنا چاہیے، جو لوگ معیشت کا مذاق اڑاتے ہیں ان کو سوچنا چاہیے کہ اس کے ذمہ دار سیاست دان ہوں گے لیکن نقصان غریب آدمی کا ہوگا۔ چودھری شجاعت حسین نے کہا ہے کہ عمران خان سے کہا تھا کہ مارچ کا ایجنڈا معیشت رکھیں گے تو ساتھ چلوں گا،معیشت کا مذاق اڑانے والے سوچیں کہ اس کے ذمے دار سیاسدان ہوں گے لیکن نقصان غریب آدمی کا ہو گا ۔
