منگلورو(این این آئی )بھارتی ریاست کرناٹکا کے شہر منگلورو میں سینٹ جوزف انجینئرنگ کالج کے چار طالب علموں کو بالی ووڈ گانے پر برقع پہن کر نامناسب رقص کرنے پر
معطل کر دیا گیا۔یہ واقعہ ایک کالج فنکشن کے دوران پیش آیا جہاں برقعہ پہنے چار طالب علموں نے اسٹیج پر چڑھ کر اچانک بالی ووڈ کے گانے پر رقص شروع کردیا۔مختلف سوشل میڈیا پلیٹ فارمز پر وائرل ہونے والی ویڈیو میں سینٹ جوزف انجینئرنگ کالج کے مذکورہ چار طالب علم دبنگ فلم کے بالی ووڈ گانے فیوی کول سے پر رقص کرتے نظر آرہے ہیں۔کلپ میں طلبا کو اچانک اسٹیج پر گھستے ہوئے دیکھا جاسکتا ہے۔کالج نے ٹویٹر پر جاری اپنے پیغام میں بتایا کہ چاروں طالب علموں کو ان کے نامناسب رویے کی وجہ سے معطل کر دیا گیا ہے۔کالج کا کہنا ہے کہ چاروں کا ڈانس پروگرام کا حصہ نہیں تھا۔کالج نے ایک اور ٹویٹ میں بتایا گیا مذکورہ چاروں طالب علم مسلمان ہیں۔
