سینئر اداکار فردوس جمال میں کینسر کی تشخیص۔ان کے بیٹے اداکار حمزہ فردوس نے گزشتہ شب خبر کی تصدیق کردی۔دعائوں کی اپیل
لاہور (آئی این پی) سینئر اداکار فردوس جمال میں کینسر کی تشخیص ہوئی ہے جس کی تصدیق ان کے بیٹے اداکار حمزہ فردوس نے گزشتہ شب کی۔ انسٹاگرام پر والد کے ہمراہ تصویر شیئر کرتے ہوئے انہوں نے کیپشن میں بتایا کہ ‘میرے والد کا کینسر کا علاج شوکت خانم میں چل رہا ہے، مجھے معلوم ہے یہ زندگی ہے۔حمزہ فردوس نے لکھا پریشانی والی کوئی بات نہیں ہے کیونکہ میرے والد کے ساتھ ان کے گھر والے اور آپ سب، ان کے پیارے دوست، مداح اور کولیگز وغیرہ ہیں۔اداکار کے بیٹے نے اپنی پوسٹ میں مزید لکھا کہ والد تمام مشکلات کو زیر کرکے اداکار بنے،اب ایک اور جنگ لڑنی ہے لیکن خوش قسمتی سے چیزیں ان کے حق میں ہیں، انشااللہ وہ مضبوطی سے اس سے باہر نکلیں گے۔حمزہ نے تمام مداحوں سے دعائوں کی درخواست کی اور لکھا انہیں خصوصی طور پر اپنی دعائوں میں یاد رکھیے گا۔
