مریدکے( این این آئی) پاکستان تحریک انصاف کے دوسابق ناظمین ،سات کونسلر اور سات اہم عہدیداروں نے مسلم لیگ (ن) میں شمولیت اختیار کر لی ،وفاقی وزیر تعلیم رانا تنویر حسین نے شامل ہونے والوں کے خوش آمدید کیا ۔شامل ہونے والوں میں پی ٹی آئی کے متحرک ترین سابق ناظم چوہدری ارشد ورک ،

پی ٹی آئی گڈ گورننس رکن چوہدری انعام اللہ ورک ،سابق کونسلر چوہدری شہباز چٹھہ چوہدری سیف اللہ چٹھہ پی ٹی آئی کے نائب صدر ہارون بسرا ملک رضوان ڈپٹی سیکرٹری نعمان حماد وڑائچ وغیرہ شامل ہیں ۔وفاقی وزیر تعلیم رانا تنویر نے (ن) لیگ میں شمولت پر خوش آمدید کہتے ہوئے کہ اکہ چوہدری ارشد ورک پی ٹی آئی ایم پی اے خرم چٹھہ کی سیاست کا مریدکے سے توڑ ہیں ہماری پارٹی سے مریدکے سے یہ آئندہ امیدوار ہونگے ۔انہوں نے کہا کہ دو ہزار اٹھارہ کے الیکشن عمران خان نے دھاندلی سے جیتے ،عمران خان کی سیاست کا محور جھوٹ اور یوٹرن ہے اس نے قوم کو اقتدار کے دوران مایوس کیا ،نوکریوں اور نئے گھر بنانے کے جھوٹے وعدے کئے اس نے ساتھیوں کیساتھ ملکر تاریخی لوٹ مار کی جسکی سزا آج قوم مہنگائی ،بے روزگاری کی صورت میں بھگت رہی ہے ۔عمران خان نے دوست ممالک چین ،سعودیہ ،یواے ای ،ترکی ،قطر ناراض کئے ،سی پیک بند کیا اب ہم نے چالو کیا ہے ۔عمران خان ڈرپوک آدمی ہے گرفتاری سے ڈرتا ہے مذاکرات کی بات کرتا ہے لیکن کیسے مذاکرات ۔لوٹ مار کا حساب قوم مانگتی ہے اس نے اداروں کو نہ بخشا اسد قیصر کہتا ہے غیر مشروط مذاکرات کیلئے تیار ہیں ہم کہتے ہیں اسمبلیاں توڑوں پھر قوم میں دیکھنا تہماری کیا

اوقات ہے یہ اسمبلیاں نہیں توڑے گا ۔رانا تنویر حسین نے کہا کہ عمران خان دھمکیوں کی سیاست سے باہر نکلے گا تو کوئی بات ہوگی ،اگر صوبائی اسمبلیاں توڑیں تو وہاں الیکشن کروادیں گے ۔انہوں نے کہا کہ میاں نواز شریف کا دل پاکستان کی

عوام کیساتھ دھڑکتا ہے ان کے دور کو قوم کبھی نہیں بھول سکتی بہت جلد میاں نواز شریف پاکستان میں ہونگے ،قوم آنیوالا الیکشن انکی قیادت میں لڑکر عمران خان اور اسکا ٹولہ جو پاکستان کیلئے ناسور بن چکا ہے سیاست سے باہر نکال پھینکے گی۔