ممبئی (این این آئی)بالی ووڈ کی معروف ڈانسر و اداکارہ ملائکہ اروڑہ نے انکشاف کیا ہے کہ شاہ رخ خان چھیاں چھیاں کی شوٹنگ کے دوران کافی پریشان ہوگئے تھے۔بالی ووڈ فلموں کے تمام شائقین ہی یہ بات جانتے ہیں کہ فلم دل سے میں شاہ رخ خان اور ملائکہ اروڑہ نے بالی ووڈ کے مشہور گانے چھیاں چھیاں پر ایک ساتھ چلتی ہوئی ٹرین پر ڈانس کیا تھا جوکہ بہت خطرناک تھا۔ملائکہ اروڑہ نے اپنے حالیہ انٹرویو میں شاہ رخ خان کے ساتھ اس فلم میں کام کرنے کے اپنے تجربے کے بارے میں بات کی ہے۔انہوں نے بتایا کہ شاہ رخ خان نے گانے کی شوٹنگ کے دوران اصرار کیا کہ مجھے بندھا ہوا ہونا چاہئے کیونکہ وہ پریشان تھے کہ میں چلتی ہوئی ٹرین سے اڑ جائوں گی۔انہوں نے بتایا کہ پہلے تو ہم سب نے شاہ رخ خان کی رائے سے اتفاق نہیں کیا کیونکہ اس طرح ڈانس کرنا مشکل ہے، لیکن بعد میں سب نے ان کا مشورہ مان لیا۔

موضوعات:ملائکہ اروڑہ