میونخ(این این آئی)سوشل میڈیا پر ایک تماشائی کی دلچسپ ویڈیو وائرل ہے جس میں اس نے اپنے انداز میں گول کیا۔سوشل میڈیا پر زیر گردش یہ ویڈیو جرمنی کے شہر میونخ کے فٹبال اسٹیڈیم کی ہے جہاں جرمنی اور انگلینڈ کے درمیان فٹبال کا مقابلہ ہوا۔ویڈیو میں اسٹیڈیم کو شائقین سے بھرا ہوا بھی دیکھا جاسکتا ہے جو اپنی اپنی ٹیموں کو بھرپور سپورٹ کررہے ہیں۔ایسے میں ایک شائقین کی ویڈیو وائرل ہوئی ہے جس نے اپنے فٹبال ٹکٹ سے جہاز اتنی مہارت سے بنا کر اڑایا جو انگلینڈ کے فٹبال گول میں لینڈ ہوا، تماشائی کے اس دلچسپ گول پر ساتھ بیٹھے تماشائیوں نے بھی خوب شور مچاکر داد دی۔واضح رہے کہ یہ ویڈیو فٹبال ورلڈکپ کی نہیں بلکہ رواں سال ہونے والے مقابلے کی ہے۔