راولپنڈی (این این آئی)قائم مقام آئی جی پنجاب نے راولپنڈی میں لانگ مارچ اور پاک انگلینڈ ٹیسٹ سیریز کے لیے سکیورٹی کے بھرپور انتظامات کرنے کا فیصلہ کیا ہے۔ قائم مقام آئی جی پنجاب کنور شاہ رخ کی زیر صدارت اعلی سطح کا اجلاس ہوا جس میں راولپنڈی میں پی ٹی آئی کے لانگ مارچ اور پاک انگلینڈ ٹیسٹ میچ کی سکیورٹی کا جائزہ لیا گیا۔اجلاس میں راولپنڈی میں مارچ اور پاک انگلینڈ ٹیسٹ سیریز کے لیے بھرپور سکیورٹی دینیکا فیصلہ کیا گیاہے۔اس موقع پر آئی جی پنجاب نے کہاکہ لانگ مارچ کے شرکا اور کھلاڑیوں سمیت تمام غیر ملکی مہمانوں کو سکیورٹی دی جائے گی جبکہ راولپنڈی میں لانگ مارچ اور کرکٹ میچ کے پیش نظر ٹریفک کا متبادل پلان تشکیل دیا جائے گا۔