لکی مروت(نیوز ڈیسک)لکی مروت کے علاقے شادی خیل میں ہسپتال اور اسٹیڈیم کے قریب 2دھماکے ہوئے، جس سے قریبی عمارتوں اور اس کی دیواروں کو شدید نقصان پہنچا ہے۔ دھماکے سے کوئی جانی نقصان کی اطلاع نہیں ہے۔ پولیٹیکل حکام کے مطابق شادی خیل کے علاقے میں علی الصبح 2دھماکے ہوئے، جہاں پہلا دھماکا ملک دلبرہسپتال اور دوسرا ملک اللہ اسٹیڈیم کے قریب ہوا۔ ذرائع کے مطابق بارودی مواد عماتوں کے ساتھ نصب تھا، جس کے نتیجے میں عمارتوں اور دیواروں کو نقصان پہنچا، تاہم کوئی جانی نقصان نہیں ہوا ہے۔ دھماکوں کے بعد سیکیورٹی فورسز نے علاقے کو گھیرے میں لے کر سرچ آپریشن شرو ع کر دیا ہے۔