شارجہ( این این آئی) متحدہ عرب امارات کے شہر شارجہ میں سابق فاسٹ بولر شعیب اختر سے ملاقات کرنے والا 3 سالہ بچہ عمارت کی 14 ویں منزل سے گر کر جاں بحق ہوگیا۔شعیب اختر نے بچے کی حادثاتی موت کی غیرملکی ویب سائٹ کی خبر
اپنے سوشل میڈیا اکائونٹ پر شیئر کی۔شعیب اختر نے اپنے اکائونٹ پر بتایا کہ شارجہ میں بک فیئر کے دوران یہ بچہ شارجہ میں گزشتہ اتوار کو ہی میرے پاس دوڑ کر آیا تھا،اس کے گھر والوں نے اگلے دن شکریہ کی ویڈیو بھی بھیجی تھی۔سابق فاسٹ بولر نے بچے سے ملاقات اور پیار کے اظہارکی ویڈیو بھی اپنے اکائونٹ پر شیئر کی اور لکھاکہ اس خوبصورت بچے کے انتقال کا سن کر بہت دکھ ہوا۔دوسری جانب دبئی کے خبر رساں ادارے میں شائع ہونے والی خبر کے مطابق شارجہ میں عمارت کی 14 ویں منزل سے گرنے والے پاکستانی بچے کے والدین سے پولیس غفلت کے شبے میں پوچھ گچھ کر رہی ہے۔پولیس کی تحقیقات کے مطابق بچہ کھڑکی کے نیچے لگے بستر پر چڑھا اور کھڑکی سے نیچے گرا۔
In immense grief to hear about passing away of this beautiful child i interacted with during Sharjah Book Fair.
He came running to me just last Sunday. Fell from 14th floor yesterday. Family had sent a thank you video next day.
انا للہ وانا الیہ راجعون https://t.co/q4oEOuBIAd pic.twitter.com/GbhmYOFMOD— Shoaib Akhtar (@shoaib100mph) November 17, 2022
