لاہور ( این این آئی) پاکستان کے سپر اسٹار ہمایوں سعید کو نئی ہالی ووڈ ویب سیریز ’’دی کرائون میں بولڈ سین کرنے پر شدید تنقید کا نشانہ بنایا جا رہا ہے۔9 نومبر کو ریلیز ہونے والی نیٹ فلکس کی سیریز ’’دی کرائون ‘‘کے پانچویں سیز ن میں ڈاکٹر حسنات کا کردار ادا کرنے والے ہمایوں سعید

کی لیڈی ڈیانا کا کردار ادا کرنے والی ہالی ووڈ اداکارہ کے ساتھ بڑھتی قربتوں کے بولڈ سین فلمائے گئے ہیں جس کے بعد سے ہمایوں سعید کا نام ٹوئٹر پر ٹاپ ٹرینڈ بنا ہوا ہے۔ڈاکٹر حسنات احمد خان پاکستانی نژاد برطانوی شہری تھے جن کے بارے کہا جاتا ہے کہ ان سے لیڈی ڈیانا محبت کرتی تھیں اور دونوں کے درمیان گہری دوستی تھی۔ لیڈی ڈیانا انہیں مسٹر ونڈرفل کہہ کر پکارتی تھیں۔ہمایوں سعید کی ’’دی کرائون ‘‘میں اداکاری کو جہاں سراہا جارہا ہے وہیں انہیں ہالی ووڈ ہیروئن کے ساتھ بولڈ سین کرنے پر شدید تنقید کا نشانہ بنایا جا رہا ہے۔سماجی رابطوں کی ویب سائٹ ٹوئٹر پر تبصرے بھی دیکھنے میں آ رہے ہیں پاکستانی صارفین کا کہنا ہے کہ ا نہوں نے سوچا نہیں تھا کہ ہمایوں اپنی پہلی ہالی ووڈ سیریز میں ہی ایسا کر دیں گے۔کچھ صارفین کا کہنا ہے کہ اگر یہی سین کوئی پاکستانی اداکارہ کرتی تو اسے ٹرول کیا جاتا مگر کیونکہ ہمایوں سعید مرد ہیں اس لئے انہیں کوئی کچھ نہیں کہہ سکتا۔