لاہور ( این این آئی) پاکستان کرکٹ ٹیم کے سابق لیجنڈری کرکٹر وسیم اکرم کی اہلیہ شنیرا کو بھی پاکستان اور انگلینڈ ٹیم کے فائنل میں پہنچنے پر 1992 ء کا ورلڈکپ یاد آگیا۔شنیرا اکرم نے فوٹو اینڈ ویڈیو شیئرنگ ایپ انسٹاگرام پر 92ء کے ورلڈ کپ سے وسیم اکرم کی ایک یادگار تصویر شیئر کی ہے۔انہوں نے یہ تصویر شیئر کرتے ہوئے لکھا کہ30 سال پہلے، میرے شوہر وسیم اکرم نے پاکستان کی 92 کا ورلڈ کپ جیتنے میں مدد کی!۔انہوں نے مزید لکھا کہ وہ ایک ایسا کھیل تھا جس سے پاکستان آج بھی بہت خوش ہے۔شنیرا اکرم نے لکھا کہ میرے شوہر کا کہنا ہے کہ ان کے لیے ورلڈ کپ جیتنا ایک ایسا بہترین احساس ہے جس کا آپ تصور بھی نہیں کرسکتے۔وسیم اس دن مین آف دی میچ بنے جس کے لیے آج بھی پاکستانی قوم ان کی شکر گزار ہے۔